Haqqımızda

“NİAB” MMC müasir texnologiya və avadanlıqların, həmçinin intensiv metodların tətbiqi ilə 2019-cu ilin əvvəlindən başlayaraq Quba rayonunda özünə məxsus 95 hektar ərazidə super intensiv bağçılıq təsərrüfatı təşkil etmişdir. Müəssisənin yaradılmasına əsaslı surətdə yanaşılmışdır. Bakı-Quba yolundan uzunluğu 1,5 km olan asfalt örtüklü yol çəkilmiş, 40 min kub metrlik dəmir beton üzlüklü müasir su anbarı, avtomatik işə düşən yanğınsöndürmə sistemi və yanğın üçün ayrıca 143 kub metrlik su anbarı, 82 kub metrlik içməli su anbarı, avtomatik rejimli nasosxana binası, 100 tonluq tərəzi, elektrik enerjisinin fasiləsiz təminatı üçün generator binası, texnika üçün müasir tələblərə cavab verən qaraj, emalatxana, və s. inşa edilmişdir. Bundan savayı ərazinin 12.000 min kvadrat metri asfaltlanmış, bütün ərazi və binalar isə videomüşahidə sistemi ilə təchiz olunmuşdur. Meyvələrin yuyulması, çeşidlənməsi, qablaşdırılması və saxlanılması üçün ümumi sahəsi 5452 m² olan soyuducu anbar binası mövcuddur. Soyuducu kameralar ümumilikdə 3500 ton meyvə saxlamağa imkan verir. Soyuducu anbar binasının xidmətlərindən tək müəssisənin özü yox, həm də digər istehsalçılar da yararlanırlar. Müəssisə qarşıya qoyduğu hədəflərə nail olmaq üçün kənd təsərrüfatı texnikasının geniş tətbiqinə, ən müasir texnologiyalara və yüksək ixtisaslı işçi heyətinə arxalanır. Təsərrüfatın yaradılması üçün ümumi sayı 20 çatan Türkiyə, İtaliya, Hollandiya, Fransa, İngiltərə, Yaponiya istehsalı olan müasir traktorlar, dərmansəpənlər, çiləyicilər, frez aqreqatları və bu kimi digər texnika alınmışdır. 95 hektarın 40 hektarında alma bağları, 11 hektarında armud, 11 hektarında gilas, 11 hektarında nektarin, 5 hektarında gavalı, 4 hektarında yastı şaftalı, 2 hektarında şaftalı əkilmişdir. Layihədə yüksək məhsuldarlığa malik olan Türkiyədən gətirilmiş tinglərdən istifadə olunmuşdur. Su ehtiyatlarına qənaət edən müasir damcılı suvarma sistemi qurulmuşdur. Müəssisə hər il 3000-3500 ton məhsul istehsal edir ki, bunun da bir hissəsi xarici bazarlara ixrac olunur. Gələcəkdə meyvə sahələrinin artırılması və ixracın genişləndirilməsi nəzərdə tutulur. “NİAB” MMC-nin əsas məqsədi – NİAB brendini həm Azərbaycanda, həm də xarici bazarlarda yüksək keyfiyyət və misilsiz dad simvoluna çevirməkdir.